Рейтинг@Mail.ru Архив RSS Карта сайта
Православие.Ru Поместные Церкви Православный Календарь English version
ПРАВОСЛАВИЕ.RU Православный Календарь на 2008 год
ПРАВОСЛАВИЕ.RU карта сайтаПРАВОСЛАВНЫЙ КАЛЕНДАРЬ »  Молитвы




Рейтинг@Mail.ru


Тропари преподобномученикам

Тропарь. 26-ти преподобномученикам Зографским.

26 Зографских преподобномучениковСтрадание 26 Зографских преподобномучениковМолитвы.

Тревеличайшия светильники, / всех преподобномученик Богоизбранный полк, / двадесять и шесть Божественныя обители Зографския отец, почтим, / прелесть латинскую обличившия / и насильственно во огни скончавшияся; / Фому пастыреначальника, священнаго Варсонофия, / достославнаго Парфения и прочия, подвизавшияся, / сошедшеся, песньми почтим, / сии бо Троицу Святую / присно о нас умоляют.

Тропарь. Адриану Пошехонскому, Ярославскому.

АдрианСвященномученик Адриан Пошехонский.Адриан Пошехонский Икона.Молитвы. Пошехонский, Ярославский, сщмч., игумен

Христову мученику Адриану тезоименит был еси, преподобне, / многия труды подъял еси в жизни временней, / обитель иноческую созидая в пустыни, / идеже пострадал еси даже до крове от злых разбойник / и мученическую смерть от них приял еси, / Адриане славне, / чудес благодатию обогатився, / предстоиши всех Царю, Христу Богу, / Егоже моли спастися душам нашим.

Тропарь. Евфимию, Игнатию и Акакию Афонским.

Евфимий * Молитвы. Новый, Афонский, Константинопольский, прмч.

Игнатий * Молитвы. Новый, Афонский, Константинопольский, прмч.

АкакийНовый преподобномученик Акакий. Житие.Молитвы. Новый, Сярский, Афонский, прмч.

Равночислении Троицы Несозданныя суще, / с лики Ангелов и чины мучеников / предстоите вы, радующеся, Престолу Божества, мудрии. / Сего ради причастием сияние отонуду приемлюще, / источник исцелений верным подаете / и Божественное просвещение, / мучениче Христов Евфимие со Игнатием мудрым и с Божественным Акакием, / о нас присно молитеся.

Тропарь. Анастасию, диакону Печерскому, в Ближних пещерах.

АнастасийПреподобномученик Анастасий, диакон Печерский.Молитвы. Печерский, сщмч., диакон

Плотское, яко безплотный Ангел, возненавидевши препитание, / духовную во иноческом чину возлюбил еси пищу, / и в нем Боговидцу на Синаи Моисею / добрым жития твоего подвигом уподобляяйся, / многими на горе Божией Печерской возвысился еси добродетельми, / идеже в молении к Вышнему непрестанно пребывал еси, / ныне же со отцы преподобными Печерскими, / аки бисер многоценен, мощми нетленными / в пещере твоими пресветло сияеши, / а душею со Ангелы пред Престолом Божиим, / святый преподобномучениче Анастасие, предстоиши, / о нас всегда моляся ко Господу / спастися душам нашим.

Тропарь. Андрею Критскому.

АндрейПреподобномученик Андрей Критский.Андрей Критский Икона.Молитвы. Критский, прмч.

Постнически предподвизався на горе, / умная врагов ополчения всеору­жием Креста погубил еси, всеблаженне. / Паки же ко страдальчеству / мужески облеклся еси, / убив Копронима мечем веры; / и обоих ради венчался еси от Бога, / преподобномучениче Андрее приснопамятне.

Тропарь. Афанасию Брестскому.

АфанасийАфанасий БрестскийАфанасий Брестский Икона.Молитвы. Брестский, сщмч., игумен

Блажен еси, отче наш Афанасие, / яко верно пожил еси, стоя бодренно за святую Православную веру, / со умилением присно поя неседальное Пречистей, / заповедуя никомуже нарушати Православныя веры святыя,/ пострадав за свидетельство истины даже до смерти. / Мы же, чтуще святыню твою, / со дерзновением взываем ти: / отче наш, преподобномучениче Афанасие, похвало и украшение наше.

Тропарь. Феодору и Василию Печерским, в Ближних пещерах.

ФеодорПреподобномученик Феодор Печерский.Преподобномученики Василий и Феодор Печерские Икона.Молитвы. Печерский, прмч.

ВасилийПреподобномученик Василий ПечерскийПреподобномученики Василий и Феодор Печерские Икона.Молитвы. Печерский, сщмч., иеромонах

Союзом любве связавшеся, преподобнии, / всяк союз козней вражиих попрасте, / страдание же и смерть неповинне / от сребролюбиваго князя претерпесте добле, / тем молим вас, вкупе поживших / и венцы мучения приемших, / молитеся Господеви о нас, / яко да во мнозей любви, вере и надежди добре поживше, / всегда ублажаем вас, / Феодоре и Василие добропобеднии.

Тропарь. Дометию Персянину.

Дометий * Молитвы. Персиянин, прмч.

Постнически преподвизався на горе, / умная врагов ополчения всеоружием Креста погубил еси, всеблаженне. / Паки же ко страдальчеству / мужески облеклся еси, / убив Копронима мечем веры, / и обоих ради венчался еси от Бога, / преподобномучениче Дометие приснопамятне.

Тропарь. Евдокии Илиопольской.

ЕвдокияПреподобномученица Евдокия.Преподобномученица Евдокия Илиопольская Икона.Молитвы. Илиопольская, прмц., игумения

Правостию умною душу твою при­вязавши в любовь Христову, / тленных и красных и временных забытием претекла еси, / яко Слова ученица, / пощением страсти первее умертвивши, / страдальчески второе врага посрамила еси. / Тем Христос сугубых венцев сподоби тя, / славная Евдокие, преподобная страстотерпице, / моли Христа Бога спастися душам нашим.

Тропарь. Евстратию Печерскому, в Ближних пещерах.

ЕвстратийПреподобномученик Евстратий Печерский. Житие.Евстратий Печерский Икона.Молитвы. Печерский, прмч.

Постником и мучеником явился еси похвала, преподобне Евстратие,/ прежде бо воздержанием плоть умертвив, / последовал еси Христу, нося крест свой. / Последи же и сам на крест вознесен быв / и копием в ребра прободен, / в руце Божии душу предал еси. / Колесницею огненною возносим на Небеса, / сугубо венчался еси от Христа Бога / и Спаса душ наших.

Тропарь. Евфимию Новому, Афонскому, Константинопольскому.

Евфимий * Молитвы. Новый, Афонский, Константинопольский, прмч.

Постнически преподвизався на горе, / умная врагов ополчения всеоружием креста погубил еси, всеблаженне, / паки же ко страдальчеству / мужески облеклся еси, / убив Копронима мечем веры / и обоих ради венчался еси от Бога, / преподобномучениче Евфимие приснопамятне.

Тропарь. Евфросину Синозерскому, Новгородскому.

ЕвфросинПреподобный Евфросин Синозерский.Евфросин Синеезерский Икона.Молитвы. Синозерский, Новгородский, прмч.

От юности твоея вперив ум твой к Богу, / блаженне Евфросине, / мира же отвергся, / вселился еси в пустыню непроходимую, / и тамо, от Господа укрепляемь, / в молитвах и пощениих доблественне пожил еси, / и жизнь твою страдальчески / убиением от сынов противления скончал еси, / сего ради со преподобными и мученики венчался еси, / с нимиже и ныне предстоиши Престолу Пресвятыя Троицы. / Сию моли, молим тя, / оставление подати согрешений наших / и даровати нам велию милость.

Тропарь. Елисавете Феодоровне, вел. Кн.

Собор новомучениковЕлисавета * Молитвы. Феодоровна, прмц., инокиня

Смирением достоинство княжеское сокрывши, / богомудрая Елисавето, / сугубым служением Марфы и Марии / Христа почтила еси. / Милосердием, терпением и любовию себе предочистивши, / яко жертва праведная Богу принеслася еси. / Мы же, чтуще добродетельное житие и страдания твоя, / яко истинную наставницу усердно просим тя: / святая мученице великая княгине Елисавето, / моли Христа Бога спасти и просветити души наша.

Тропарь. Иосифу, Сергию, Антонию, Варлааму, Иову и Петру Раифским.

ИосифПреподобный Иосиф Аналитин, Раифский. Житие.Молитвы. Аналитин, Раифский, прп.

Православия неложнии ревнители и зловредных ересей обличители, / пустыни Раифския новомученицы святии, / пред богоборцы Христа исповедали есте. / Пред Престолом Божиим с преподобными отцами ныне предстоя, / молите Христа Бога спастися душам нашим.

Тропарь. Корнилию Псково-Печерскому.

КорнилийПреподобномученик Корнилий Псково-ПечерскийПреподобный Корнилий Икона.Молитвы. Псково-Печерский, сщмч., игумен

Псково-Печерская обитель, / издревле славная чудесы иконы Богоматерни, / многия иноки Богови воспита, / тамо и преподобный Корнилий / подвигом добрым подвизася, / чудную Богоматерь славя, / иноверныя просвещая, / иноки и многия люди спасая, / обитель же свою дивно украшая и ограждая. / Тамо и мученичества венец / по многих летех пастырства своего доблестне прият. / Темже воспоим, людие, / Христа Бога и Пречистую Его Матерь возблагодарим, / яко дарова нам преподобномученика славна / и молитвенника о душах наших достоблаженна.

Тропарь. Макарию Каневскому, архим. Овручскому, Переяславскому чдтв.,.

МакарийСвященномученик Макарий КаневскийСвятитель Макарий Каневский. Икона.Молитвы. Каневский, Пинский, Овручский, Переяславский, сщмч., архимандрит

Христу, нас ради с Небес сошедшему, / последовал еси в подвизех твоих, / Макарие, отче наш. / Егоже моли о нас, ублажающих тя, / прощение прегрешений даровати нам, / любовию же и смирением сердца наша озарити / и спасти души наша.

Тропарь. Параскеве Римской.

ПараскеваПреподобномученица Параскева РимскаяМолитвы.Церковь свт. Николая Чудотворца и прмц. Параскевы, п/о Зимитицы Римская, прмц.

Тщание имущи сообразно имени твоему, тезоименитая, / равноимянную тебе веру в сожительство избрала еси, / Параскево победоносная / темже изливаеши исцеления и молишися о душах наших.

Тропарь. Стефану Новому.

СтефанПреподобномученик и исповедник Стефан Новый . Житие.Молитвы. Новый, Константинопольский, прмч.

Постнически предподвизався на горе, / умная врагов ополчения / всеоружием Креста погубил еси, всеблаженне, / паки же ко страдальчеству мужески вооружился еси, / убив Копронима мечем веры, / и обоих ради венчался еси от Бога, / преподобномучениче Стефане приснопамятне.

Тропарь. Александру (Пересвету) и Андрею (Ослябе), Радонежским.

Воини Христолюбивии / страдальцы послушания прехвальнии / Александре дивный Пересвете и Андрее Ослябей именуемый / Сергия игумена благодатные наследницы, / Куликовской брани ратницы духовнии / вы бо змия агарянскаго победисте. / Но и нас своим заступлением не остависте, / телами в храме Рождества Богородицы почиваете, / душею в превышнем селении пребываете. / Молите за весь род русский православный, преподобнии сродницы наши.


Материалы для этой страницы получены с сайта troparion.narod.ru
© ПРАВОСЛАВИЕ.RU