Православие.Ru Поместные Церкви Православный Календарь English Српска
ПРАВОСЛАВИЕ.RU Православный Церковный календарь
Православный Церковный календарь 2022

"Споручница грешных"

Дни празднования: 7 марта, 29 мая

Иконы

Об иконе

  • Икона Божией Матери "Споручница грешных"
  • Молитвы


    Тропарь Божией Матери пред иконой Ее Споручница грешных
    глас 4
    Умолкает ныне всякое уныние/ и страх отчаяния исчезает,/ грешницы в скорбех сердца обретают утешения/ и небесною любовию озаряются светло./ Днесь бо Мати Божия простирает к нам спасающую руку/ и от Пречистаго образа Своего вещает, глаголя:/ Аз Споручница грешных к Моему Сыну,/ Сей дал Мне за них руце слышати Мя выну./ Темже людие, обремененнии грехми и скорбьми многими,/ припадите к подножию Ея иконы со слезами, вопиюще:/ Заступнице мира, грешных Споручнице!/ Умоли Матерними Твоими молитвами Избавителя всех,/ да Божественным всепрощением покрыет грехи наша/ и светлыя двери райския отверзет нам,/ Ты бо еси предстательство и спасение рода христианскаго.
    Ин тропарь Божией Матери пред иконой Ее Споручница грешных
    глас 3
    Тебе, милосердия источнику присно текущему/ и Споручнице грешных, недостойный раби Твой, Богородице,/ припадающе, скорбяще, вопием Ти:/ спасай нас от бед, Владычице,/ и матерним Твоим ходатайством испроси всем нам вечное спасение.
    Кондак Божией Матери пред иконой Ее Споручница грешных
    глас 1
    Честное жилище бывшее/ неизреченнаго естества Божественнаго/ выше слова и паче ума/ и грешным еси Споручница,/ подававши благодать и исцеление,/ яко Мати всех Царствующаго:/ моли Сына Твоего/ получити нам милость в День судный.
    Молитва Божией Матери
    О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моей представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моей; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

    Служба

    Сайты приходов:

    Храм иконы Божьей Матери "Споручница грешных" г. Одесса (Одесская епархия)
    Храм иконы Божией Матери "Споручница грешных" с. Зименки (Шуйская епархия)
    Храм в честь иконы Божией Матери "Споручница грешных" р/пос. Переяславка (Хабаровская епархия)
    Храм в честь иконы Божией Матери "Споручница Грешных" г. Москва (Московская епархия (городская))
    Храм иконы Божией Матери " Споручница грешных " с. Новокрасное (Балтская епархия)
    Храм в честь иконы Пресвятой Богородицы "Споручница грешных" пос. Лесной (Касимовская епархия)
    Храм иконы Божией Матери Споручница грешных (Одесская епархия)
    Николо-Одрин женский монастырь с. Одрино (Брянская епархия)
    Женский монастырь свв. правв. Симеона Богоприимца и пророчицы Анны с. Кизильское (Магнитогорская епархия)
    Храм иконы Божией Матери "Споручница грешных" дер. Скурыгино (Московская епархия (областная))
    Храм иконы Божией Матери "Споручница грешных" г. Болохово (Тульская епархия)
    Храм иконы Божией Матери "Споручница грешных" дер. Полоное (Псковская епархия)

    Статья на Православие.Ru

    © ПРАВОСЛАВИЕ.RU